no livnar det i lundar

(Salme, 1924)

No livnar det i lundar, 
no lauvast det i lid,
den heile skapning stundar no fram
til sumars tid.

Det er vel fagre stunder
når våren kjem her nord,
og atter som eit under
nytt liv av daude gror.

Guds kyrkja lysa skulde
som høgt på berg ein stad,
med sumar utan kulde og utan 
solarglad.

Guds ord vel alltid lyser,
den sol gjeng aldri ned:
det hus som anden hyser,
ligg stødt i ljos og fred.

Men stundom kom då kulde
på Herrens kyrkjemark:
det var som Gud seg dulde,
og burte var Guds ark.

Det var dei myrke dagar,
Guds ord var fåhøyrd segn;
og hjarta frys og klagar,
det saknar sol og regn.

So sende Gud sin Ande
som dugg på turre jord;
då vakna liv i lande,
då grøddes vent Guds ord.

Då er det sæle tider
frå Kristi kyrkjegrunn;
då lauvast det i lider,
då livnar det i lund.

Då ljosnar det i landet
frå fjell og ned til fjord;
då losnar tungebandet,
då kved Guds folk i kor.

Då skin det yver strender,
som sol ein sumarkveld:
då gløder kring i grender
ein heilag altar-eld.

Du vår med ljose dagar,
med lengting, liv og song!
Du spår at Gud oss lagar
ein betre vår ein gong,

då me med vigsla tunga,
med kjærleik heil og klår,
alt utan brest og sprunga
skal lova Herren vår.

 

Elias Blix

Det var denne salmen som slo meg når turen vart til i dag.
For; No livnar det i lundar !

Vakkert ute.

Og mye vakkert å glede seg over, selv om det i dag er vindfullt og kaldt.
Det blir grønnere og mere fargerikt fra hver dag som går.

Nyt dagen!

#eliasblix #salme #fotografering #naturbilder #hobbyfotograf #foto #natur #nolivnardetilundar #blogg #fotoblogg #foto #morgentur #shetlandsheepdog #nytdagen


 

16 kommentarer

Siste innlegg