Av og til sit du berre og vil grine
Tårene ligg på kanten, men dei kjem ikkje lengre
Følelsar innvendig, ting som berre nesten kjem til overflata
Det bølger litt, men fossar ikkje over

Annonsørinnhold

Freshe sneakers: Dette er skoene som gjelder nå

Av og til er det slik, at skjoldet du har rundt deg, lagar brister
Skjoldet som er styrken din, sprekker opp, og smerte og mattheit sig inn
Du forsvarar deg som best du kan
For det er akkurat slik, det er ikkje så mykje anna som hjelper

Bruke tomheita som sig på, og snu den rundt
Bremsespora blir djupe, men du klarar det
Snuoperasjonen er vellykka og skjoldet tetnar til
Styrken er stabilisert til beste evne

Av og til skjer det, og gråten sit laust
Men det kjem ikkje ein lyd, ikkje ei tåre
Resignasjon
Du står i det, og stillheita lagar ikkje ein lyd

Mette Josteinsdatter Kvalsvik
mars 2024

#tankerblirtilord #minedikt #etdiktomdagen

://:
Du ville ikkje tru det, om eg fortalte deg
Du ville ikkje forstå det, om eg sa det
Du ville ikkje noko anna enn lytte, riste på haude og tenkje ditt
Du ville tru eg var gal og fortalte deg eit eventyr
Du ville ikkje tru det, det var som ein smale film
://:

Det ligg ei sorg som glimtvis kjem
Ei sorg, uforklarlig men også kjent
Eit anna liv, ei anna tid
Det var fullt av latter, blanda med tildekt frykt

Om du trur det, spelar vel inga rolle
Det sit i nervar i heile kroppen
Noko som var og noko som skjedde
Ufatteleg kva du gjekk med på,
og kanskje vil du at du faktisk skal tru det

At det ikkje skulle være slik, visste du vel
Men kva var rett og kva var gale
Kva var etisk og kva var moralskt
Du visste betre men lot det stå til
Trakk deg unna når det var som værst

Som i ein film, alt som skjedde
Det skulle vore filma ja, gudane veit
Du segla i full fart på ope hav, stille og vakkert og stormfullt og vondt
Men det var din kamp å roe ned, sjå til at alle hadde det bra
Bak kulissane, ingen såg
Maskeradeball, glitter og stas

Du høyrde på, for lenge sidan
Å åpne opp var som eit sirkus-show
Ei historie som i ein film
Du sa det ærligt, med store auge,
og du tenkte,
vàr det berre ein fantasi det heile

Kanskje var det fantasi og film
Ei skarp novelle frå Oslo by
Der natta skjulte det som skjedde,
og ikkje alt hadde tålt dagens lys
Du veit, for du hadde hovedrolla

Mette Josteinsdatter Kvalsvik
februar 2024

#tankerblirtilord #etdiktomdagen #minedikt

Annonsørinnhold

20 bestselgere som garanterer nytelse

I psykopatens grep
På tåhev
Smellen når du minst ventar det
Lykka som varar eit stakke sekund,
gong etter gong
Ein leik som katt og mus…

Når du gløymer deg og senkar skuldrane
Du skulle ikkje gjort det, senke skuldrane
Å vege ord på gullvekt,
og orda ikkje er verdt sin vekt i gull
Mistenkeligheita som gjennomsyrar tid
Sa du noko gale, usikkerheita og anspentheita

Misforstod han, misforstod du, misforstod dei
Utad verdensmeister, på heimebane sykeleg sjalu
Og du visste ikkje om det, då du tok steget
Du visste ikkje noko, før du var fanga
Du visste ikkje noko, før det var for seint

Manipulerande sa nokon, alt for seint
du er ikkje verdt noko
du klarar deg ikkje sjølv
du blir overvåka utan å vite det
Då du var nedbroten,  tilintetgjort, og ikkje såg din eigen skygge, då kom styrken
Styrken du visste du hadde, men som hadde vorte lagt til side, av redsle

Du måtte
Og du klarte det
I ein psykopats grep, utan å ane det, før det var for seint
I sakte film…
Angsten gjekk saktare…

Mette Josteinsdatter Kvalsvik
februar 2024

#minedikt #etdiktomdagen #tankerblirtilord

ein klump i halsen
og tårene fyller opp
stoltheita er enorm
den varmar bringa og heile kroppen

Annonsørinnhold

Spar stort: Kjøkkenutstyret du kupper på tilbud nå

kjærleiken er så stor
og den kom slik brått igjen
utan forvarsel
stoltheita over dei to som står på eigne føter
dine hjartesteinar
som du elskar over alt på jord
over alt

og sjølv om dei ikkje er dine lengre
slik i daglig liv
så er dei det uansett og for alltid
dine to hjartesteinar
vaksne no, og eigne liv
men det spelar inga rolle
kjærleiken aukar berre
stoltheita brer rundt seg

men prøvar la det gå stille for seg
skryt ikkje uhemma
snakkar ikkje over deg
berre stille stille i ditt hus
der kan stoltheita bre rundt seg
og hjartesteinane spring med barneføter
i minna

staute flotte sterke som dei er i dag
to hjarte og ei stor kjærleik
det er så stort
ikkje for stort, men på nippet
og du elskar dei over alt på jord

Mette Josteinsdatter Kvalsvik
februar 2024

#minedikt #etdiktomdagen #tankerblirtilord

Du føler det meste går i mot
Det buttar frå alle kantar
Og du seier ifrå
Du vil gjere noko med det, men blir oversett
Ingen høyrer, og alle berre jattar med
Eller gjer dei det, eller ser dei ned på deg
Motgangen er ikkje stor, men stor nok til at den følast
Og det er ikkje godt på nokon måte
Det gnagar

Annonse Tights.no

SLÅ TIL: Opptil 70 % på treningstøy nå

Kvifor står i stampe, og kjem ingen veg
Rosene kan være så raude som dei berre vil,
men falskheita syder igjennom og svir dei vakre blada
Eit etter eit fell dei, blada, og du ser kva som er problemet
Det går å gjere noko med det
Om det så er å starte med deg sjølv, og ta steget ut i det ukjente
På nytt, igjen,
Du har løyst så mykje frå før av, at dette går nok dette og,
tenkjer du

Du er sterk i deg sjølv, i stillheita du fører med deg
Ikkje alle treng å være høglydte
Ikkje alle har den eigenskapen av hardheit, ikkje du, eller kanskje har du det
Roseblada raudna brått, ikkje alle var svidde eller uttørka
Ein ny start, eit nytt kapittel, og du midt i det,
som ein vakker nyutsprungen rose-bukett

Mette Josteinsdatter Kvalsvik
23. februar 2024

#minedikt #etdiktomdagen #tankerblirtilord

eg lyttar til ditt indre
høyrer stemma di ikring meg
suset jagar gjennom vinden
bruset slår inn med havets kraft
eg lyttar til deg og kjenner ro
og i mitt indre får eg sjelefred
du vakre moderjord
så sterk og svak

tenk eg svevar i evig tid
på denne vakre lille kule
eg dinglar lett og eg slår ei trille
gynger med i virvelvinden
til eg ein dag mistar grepet
og høyrer songen så svakt så svakt
moderjord eg fall av
er det du som lyttar no

Mette Josteinsdatter Kvalsvik
februar 2024

#tankerblirtilord #etdiktomdagen #minedikt

://:  kvar er du om eit år
kvar er du om fem år
kvar er du om ti år
kvar er du
kvar kan du tenkje deg at du er då
kvar…
kan ikkje tenkje meir enn dagen
kan ikkje tenkje meir enn timar
kan ikkje tenkje meir enn her og no
kan ikkje…..://:

Annonsørinnhold

Spar stort: Kjøkkenutstyret du kupper på tilbud nå

framtida er der, nærmare dag for dag
ein dag om gongen
ein time om gongen
ei veke
kvar er du då, om ei veke
kanskje på same plass
veit ikkje sikkert
men ikkje mykje er forandra
her og no er det som er viktig
noko anna er ikkje av stor betydning

nåkre dagar fram, og alt er forandra
kvar å gå til – kvar å søke ly
kvar er du då, om tid og stunde
det er ikkje godt å seie
vi er kanskje såre og leie
kvar å gå til og kvar å søke ly
ingen stadar og inga tid å miste

Mette Josteinsdatter Kvalsvik
februar 2024

#tankerblirtilord #minedikt #etdiktomdagen

Annonsørinnhold

20 bestselgere som garanterer nytelse

Når fortiden byr opp til dans
Du vil ikke danse selv så mye du elsker det
Du vil bare ikke danse denne dansen
Fortiden
Du slipper aldri unna
Aldri

Det er utrolig å tenke på, hva fortiden har i seg
Men det er sant, og det kan ikke fornektes
Den er der og kommer alltid til å være der
Fortiden
Og den byr opp til dans når du minst venter det

Du synker inn i et tomrom av rytme
En rytme du ikke vil være i
Den suger deg langt inn i en hektisk dans
Du orker ikke, klarer ikke, og fyker ut av dansen med et rykk
Rister av deg følelsen og tankekaoset som har bombardert ditt indre
Fortiden – kan ikke glemmes men fortrenges
Som en heksedans forfølger den deg

Å si neitakk til dansen er helt ok
Det går bra, og det er helt innafor
Sorgen er bare at det blir hengende ved
Den fortiden du ikke vil tenke på, ligger der og ulmer
Men egentlig, du er trygg nå
Trygg for det du har vært redd for
Men det ligger der, og lager gnisninger
Og følelser siger på

Denne fortiden som føles som en film
Var det virkelighet eller var det..
Det synker inn, at det faktisk var
Litt sårt, sørgelig, men også glede i alt
Den fortiden du ikke vil være deg ved
Den har også frukter som er elsket over alt
Så ikke alt er av det såre, det er klart
Det har også vært sine gode sider, fortiden
Alt det andre

Et annet liv, og dansen var en annen
Visste ikke bedre, naiv som få
Det var sånn det skulle være, opplært til godhet
Et ungt sinn blei etter hvert kastet hit og dit
Fant ikke fotfeste og forstod ikke reglene
Fortidens dans siger på, vil ikke minnes
Det er så lenge siden
Det var i en annen tid

Mette Josteinsdatter Kvalsvik
februar 2024

#minedikt #tankerblirtilord #etdiktomdagen

Lykka, det er å danse i løv
Inga bekymring, ingen sorg
Det er så godt berre det å være,
kaste fargerikt opp mot himmelrike
Og når dei dalar, løva,  ned mot jorda, ned mot andletet,
og det kitlar litt
Svingar eg meg rundt,
som ein virvelvind og som i eit vakkert maleri

Annonsørinnhold

Freshe sneakers: Dette er skoene som gjelder nå

://:  Røys deg opp, kjære du,
opp i lyset og fargeriket
Danse rundt som ein virvelvind,
fange løvet og fange lyset
Det verdifulle ligg der ute,
så røys deg opp, ja strekk deg ut,
for du ER sjølve lyset ://:

Klarar ikkje meir, og dansen stilnar
Det kitlar ikkje lengre, og løva dei har falma
Er så sliten, kvifor blir det slik
Kreftene har forlete,
og eg ser korkje fargane eller det vakre lyset
Kva skal eg gjere, kva KAN eg gjere
I svarte natta midt på lyse dagen

://:  Røys deg opp, kjære du,
opp i lyset og fargeriket
Danse rundt som ein virvelvind,
fange løvet og fange lyset
Det verdifulle ligg der ute,
så røys deg opp, ja strekk deg ut,
for du ER sjølve lyset ://:

Mette Josteinsdatter Kvalsvik
februar 2024

#minedikt #etditkomdagen #tankerblirtilord

Den dyrebare tida vår
Vi veit det kanskje ikkje, men den er så dyrebar
Vi tenkjer kanskje ikkje på det, men den er så sårbar
Tida vår i lag, vi har ingen garanti
Sei det, at du bryr deg
Sei det, at du er glad i
Sei det, at du elskar
Sei det….

Annonsørinnhold

Freshe sneakers: Dette er skoene som gjelder nå

Ein dag kan du ikkje seie det, anna enn ut i lufta
Då er det for seint
Og for seint er ikkje bra nok
Sei det, at du bryr deg, er glad i, eller elskar
Den dyrebare tida vår smuldrar minutt for minutt

Mette Josteinsdatter Kvalsvik
februar 2024

#tankerblirtilord #minedikt #etdiktomdagen