Velkommen desember!
No er den her igjen, ventetida
Men kva er det vi ventar slik på
Vi har liksom rusla inn i mørket og mørketida, og det er den tida å setje ut lyslenker over alt,
så det lysnar litt
Lys i vindaug og lys ute ved døra
Det varmar i den mørkaste tida, og vi ventar
Ventar på at desember skal kome
At fyrste helga i advent skal kome
For kva skjer då, når det brått er den tida
Då åpnar det seg ei lys atmosfære og mange blir glade og lykkelige
Det er adventstid –
kalendertid –
julebordtid –
julemessetid
og andre tider inn i ventetida
Vi ventar, også er det i gang,
med julebaksten og julegavehandelen
Dette vi gledar oss til
Og er det dette vi ventar på
Julebaksten,
julegavehandelen,
julevasken,
julemiddagar og julefestar
Er det ikkje det då
Høgdepunktet på året er desember
Har du tenkt noko over det
Den siste månaden i året, er den som er lysast på så mange måtar
Spenninga er til å ta og føle på
Julegavene…… ynskjelistene florerar
Får du det du ynskjer deg
Adventskalendere – kva skjuler seg bak neste luke
Alle julefilmar og juleseriar
Blir det ei kvit jul?
Det er noko magisk over denne desembermånaden
Denne desembermånaden som eigentleg har eit budskap i seg – som så mange ser ut til å ha gløymt
Du har høyrt om vandringa til Jerusalem i alle dei år,
Maria og Josef, dei tre vise menn, engelen Gabriel og Jesusbarnet i stallen
Men det er ikkje slik heime hjå deg lenger?
Fokuset er på alt anna enn historie frå bibelen
Det er kva type pinnekjøtt som skal i hus, dampa mår og alt anna godt
Handlelista er lang
Berre du har råa til alt som skal til for at ventetida og jula og desember skal bli så bra som overhodet mogleg
Denne tida inn mot desember og forbi – ventetida og gleda og spenninga
Forventningane
Innfrir dei for deg
Sit du igjen med ein god følelse når nyttåret ringast inn
For då er ventetida over – den var over allereide på sjølvaste julafta
Denne tida som er elska av så mange
Men det er kanskje like mange som ikkje elskar den – og som gruar seg til akkurat denne desembermånaden
For det kostar skjorta for mange, og mange har ikkje råa til skjorta ein gong
Og mange har aldri hatt ei fredeleg jul å minnast
Så kanskje det er lurt å kike seg litt rundt
Sjå på medmenneska rundt deg, om dei ser lykkelige ut, eller spring rundt med stress-dyret på skulderen
Må ha det og må ha det,
ikkje gløyme det og i allefall kjøpe det
Den elska og forhatte ventetida
Ja for den er ikkje til glede for alle
Du veit det kostar, og du gruar deg
Å overleve desembermånaden må du berre
Det er vakkert både inne og ute
Stjerna har vorte tent i vindauget
Ute lyser lenkene rundt hekk og trær
Det er noko magisk over det, er det ikkje vel
Det duftar av julekaker og varm gløgg i stova
Du hugsar godt korleis det var for lenge sidan
Då du var barn og hadde adventskalender med figurar i
Du berre elska det
Tida før – forventningane og gleda – spenninga
Når julegardinene kom opp på lisje julafta – og treet og heile stova var pynta neste morgon,
på sjølvaste julafta
Du verden for ei glede i eit lite barnesinn
Og godt var det vel at du ikkje visste kva det kosta dei vaksne å lage til slik
Så har du vakse opp og laga dine eigne tradisjonar
Dei har sklidd heilt vekk frå det som var
Men du gledar deg, for dette er den beste månaden i heile året
Desember – forventningar – spenning – snø og jul
Du veit også at det ikkje er alle som kan feire jul, eller som ikkje feirar i det heile tatt
Vi er alle forskjellige
Men desember er ventetida og juletida sin månad – og lys tendast og håp tendast
Om det er i eit lite barnesinn eller i eit vaksent sinn – så står håpet og gleda der – skinner så fint gjennom mørket der ute
Lyset og håpet
Trua på at desember leverar
Og det som er heilt sikkert, i desember, er at sola snur og det går mot lysare tider
Kanskje får du eit julekort med gode ynskjer
Kanskje sender du eit julekort, med gode ynskjer, tru og håp
For vi trur og håpar, og lyset viser vegen
Men, julekorta har vi vel slutta med, har vi ikkje
Nei, nokon er der ute enno, og sender helsingar
Skulle kanskje vorte flinkar sjøl også
Det er vel dette som er mitt julekort til deg
God førjulstid til deg der ute 🎄
