JULEROSER
(2019 redaktør Herborg Kråkevik)

Annonsørinnhold

Vårens fineste sneakers til dame

LUKE NR 2

Dei stjernene

tenk sommarstjerna
i slik smil av ein kveld
og på vide strender i livet
vandra i sanden
lena meg, kyssa i  vinden
med eitt der oppe
så lett glimtande
i varm skyming sjå

hauststjerna
noko tydeleg med den
kveldane mørke, kjølige
og livet smalare, ja sårare
men så den kvasse blinken
halda det ut no, klårt
gå på
eg har berre eitt å gjera

vinterstjerna
med høgder og djupner i alt
det er lys og lys, men mest natt
opna meg då
for gledene, sorgene
gå inn i
himmeltida
og aldri blir ferdig med
den stjerna så stor ho er

eg vel meg likevel vårstjerna
i det heilt vanlege
grått mørke, traust morgon
eg på veg til mitt
skaren ligg enno hard
men vårløysing òg
bekken sildrar døyvd sin gråt
og stjerna over åsen der heime
lyser for meg

Oskar Stein Bjørlykke

#deistjernene #advent #juleroser #herborgkråkevik #oskarsteinbjørlykke #ventetid #lukenr2 #adventskalender #julekalender #adventstid #samlagetegmont #2desember