Før det lysnar, er det mørkt
Mørket ligg rundt som eit svart teppe
Når du tenner eit lys, dansar skyggane i mørket
Lyset dansar også, sin flammedans
Før det lysnar, er det mørkt
Så sig lyset inn, sakte

Det har grydd av dag, og mørket har vorte til gråtonar
Og brått er det lyst
Du sit i lyset og ser på flammen
Den er stille
Dansar ikkje lenger
Lyset har teke over

Frå utsida har det lysna sakte av dag
Det letnar i sinnet ditt også
Du bles ut lyset og tek ein sup kaffe
Dagen har starta
Men, tenker du med deg sjølv, i det du bles ut lyset:
mørket har komt for å bli ei stund

Mette Josteinsdatter Kvalsvik
september 2025

#tankerblirtilord #etdiktomdagen #minedikt