det var ein gong

kva skal du bli når du blir stor då
då skal eg bli som mamma
eg skal bli mamma
eg skal bli filmstjerne
kanskje
men mamma skal eg bli
hus og heim og mann
kanskje songstjerne
så skal eg kanskje arbeide litt
skal røyke sigarettar som damene på reklama
skal gjere akkurat som eg vil
ha fine kjola som glitra
skal ikkje gifte meg
jau forresten – om draumeprinsen kjem
nesten som i Askepott
bo på ein gard – det må være romantisk
akkurat som i bøkene
nei eg veit ikkje
kanskje eg berre skal bli mamma og arbeide heime
eit lite hus med blondegardiner
ein liten hage og kvitt gjerde rundt
kle-stativ der vinden kan blåse tørt kle-vasken
det var ein gong….

Mette Josteinsdatter Kvalsvik
7. februar 2026

#tankerblirtilord #etdiktomdagen #minedikt