advent

 

 

10 desember

og det er lørdag.

 

Luke nr.10

 

DAGANE

Det er advent, og dagane sig sakte framover.
Ja, det synest nesten som om dei sig avgårde.
Akkurat som skodda i fjellet.

Det tapper mot tak og vindaug.
Regnet og vinden.

Ein tenkjer kanskje at det heller skulle vore snø.
Men hadde det vore snø, så vart det vel berre opp i sørpe og glatte vega.
Holkeføre.

Dagane i adventstida, hittil, har vore prega av regn og vind.

Eit lysglimt her og der.



Det lysnar og ein kan sjå i det blå på himmelen.
Så dekkes det til med eit slør av skodde, og regnet sig på atter ein gong.

Dagane som kjem og går, med skodde, regn og vind.
Nett som ein adventskalender fram mot jul.
Der det er spanande å sjå kva som er bakom neste luke.
Slik er dagane.

Kva skjuler seg bak neste dag?
Kva møter ein når morgonen kjem sigande?
Regn, vind, snø og kulde?

Uansett, ein dag å famne om.
Ein dag å famne om i takksemd.

Så kanskje glimtar sola til og kvar enkelt får den dagen dei ynskjer seg.
Dagane kjem og går, likeeins været.
Kanskje er morgondagens luke heilt noko anna enn tenkt.

 

mk

 

 

 

 

 

 

#advent #lørdag #natur #friluftsliv #bilder #blogg #adventstida #luke #fotografering #minedikt #dagane

 

 

16 kommentarer

Siste innlegg