det er stille i heimen
berre oppvaskmaskina susar
stearinlyset blafrar og varmepumpa, ja den varmar
stille
og det er far sin dag i dag
“farsdag”
“fars dag”
og du minnast
farsdagskort medbragt frå barneskulen
i dei vakraste fargar med eit vers med svung over
og det stod: til far
i dag ligg det ikkje noko slikt kort for hand
og far si hand er ikkje her lengre
det er stille og du ser på stearinlyset
saknet kom brått
sårheita vart som ei gedigen bølge
så rann den av
og mens stearinlyset blafrar, lysnar det av dag
den nye dagen
far sin dag
og nokon blir uansett heidra
på ein eller annan måte

Annonsørinnhold

Fine ting du bør ha på hytta

Mette Josteinsdatter Kvalsvik
10. november 2024

#tankerblirtilord #etdiktomdagen #minedikt