den grøne kula
hang så fint bak tauverk
du såg det mellom sprekkane i naustet
grøne og gule kuler
glaskuler
og andre kuler
ein færing og årar

Annonsørinnhold

Hoka på salg: Kupp årets modeller til nedsatt pris

du snik deg inn
det går det, å snike seg inn
der ein veit det går, mellom to plankar i naust-veggen
hemmeleg
å halde kula mellom hendene
kjenne lukta av salt sjø
gamalt treverk
det knakar litt  frå betane oppe mot taket
vinden susar og taukveilar vaiar

det vart monge stunder i naustet og nausta
våre gøymeplassar
ulovleg så klart
vi hadde ikkje noko der å gjere blant alt av fiskeredskapar og anna
men det var spenninga og at det var ulovleg, som trigga oss
hysj nokon kan høyre oss
ja, då nokon gjekk forbi på vegen, og ropte: er det nokon der?!
kom dokke ut!

oppe på betane
ulovleg så det held
klatre slik – for tenk om du falt ned
det var så mykje spanande
ramsalt og oppmorkna
men å site i færingen og late som du var på sjøen,
det var artig
med eit livbelte som hadde drege deg til botnen om du falt i sjøen

glaskula
det var den som var magneten
bak låste dører
å få fatt i ei slik
både hemmeleg og ulovleg
men den kom i hus, både ei og to
ei slik kule gav naseblod ein gong
ja det er slikt som kan skje under leik på loftet

kula ligg i ei skuff
den har vore med på livets reise
glasgrøn utan tauverket rundt
og den har si historie
frå dei gamle nausta og fiskegarna
no er dei ikkje meir
alle er restaurert
ikkje færingen ein gong
lenge sidan
vi er her fortsatt

Mette Josteinsdatter Kvalsvik
19. juni 2024

#tankerblirtilord #etdiktomdagen #minedikt

Færing er i Nord-Norge og på Vestlandet navn på små, tradisjonelle robåter for to personer, brukt til transport og fiske, og er rundt fem meter lange. Noen færinger kunne også ha seil. Færingen kan være av de eldste robåtene i landet, og var i bruk godt før vikingtiden og fram til 1960-tallet.
kopiert fra nettet