“Eg likar deg ikkje”,
seier du med blikket
Ja heile haldninga  seier det
Og kva gale eg har gjort, veit eg ikkje
men det er ikkje så mykje å gjere med
Påtvungen likarheit er inga bra lykke
Og det er vel slik at ikkje alle kan like alle
Men akseptere, det kan ein gjere
Akseptere og respektere, utan å like?
Tolerere

Så går vi omvegar eller berre ikkje møtast
Ser ikkje på kvarandre
Smilar ikkje
Eg veit ikkje heilt kven du er og du veit ikkje heilt kven eg er
Men du likar nok ikkje meg og eg veit ikkje om eg likar deg heller
Ein veit ikkje det før ein har prøvd?
Det er lov det
Om ingen av oss har gjort noko mot den andre, då er det vel ingen grunn til å mislike

“Eg likar deg ikkje”
Det er ikkje noko godt ord å få mot seg
Men slik er det her i verda….
Kanskje ikkje eg likar deg heller
Må vi like alle?
Respekt – og så lar vi det ligge
Smilet leikar uansett

Mette Josteinsdatter Kvalsvik

#tankerblirtilord #etdiktomdagen #minedikt