Oppsummering, av kva
Kva ein klarte denne dagen
Kva ein klarte i går,
eller dagen før der igjen
Oppsummering av siste veke, månad eller år
Oppsummering av meistring, glede, entusiasme,
giddaløyse, energiboostar, nedturar, oppturar og andre ting
Det kan være mykje eller ingenting

Oppsummering – kva tid gjer ein det
Er det når ein ligg på det siste; alt ein ikkje rakk over, eller alt ein ikkje meistra
Alt ein klarte – gjekk det i gløymeboka det
Oppsummering, ligg det berre det negative der
Det er då så mykje å oppsummere, både turen i går og turen i dag
Ein kan ikkje summere saman berre negativt
Det må då være noko positivt også i den summen

Men er det det å leite etter noko å oppsummere, då gjer det kanskje bitte litt vondt
Vondt å tenkje over at alt gjekk i stå på eit tidspunkt
Eller all gleda og hipp hurraet som går igjen og igjen og igjen
Oppsummering kan være både eine og andre
Heile livet eller timen som gjekk
Kva som vart meistra og kva som ikkje vart det
Oppsummering av treningsøkta eller korøvelsen

Åleinetid eller fellesskap
Oppsummering – eine rekninga tek den andre,
og pengane flyg ut
Oppsummering av kvalitetstid og det å rekke over
Haste og laste – har ikkje tid – har gløymt kva å skulle hugse,
og kva klokka skulle være for det siste møtet
Oppsummering – rekk det ikkje i dag, kanskje i morga om det let seg gjere
Eller ein annan dag

Mette Josteinsdatter Kvalsvik
10. mars 2026

#tankerblirtilord #etdiktomdagen #minedikt