Takk til tilfeldigheitene
Når eg “berre” skal ut på vaskeromet og hente ein pose til søppelbøtta,
og ein annan pose har falt til gulvet
Hanken har slitna
Det ligg brukt-klede i den posen
Slike eg skal sende frå meg
Og i den posen ligg det ei olabukse
Oj, men den kan eg vel bruke?
Takk til den slitne hanken som gjorde at posen falt ned,
i det eg kom ut på vaskeromet
Så fekk eg ei bukse til å bruke, ei stund til,
og pose til søppelbøtta vart gløymd ei stund
Tilfeldigheitene rår til tider…
Var liksom meininga der, at eg skulle ta tilbake buksa,
og bruke den litt til
Så får vi sjå om den havnar i posen igjen
Gjenbruk…

Mette Josteinsdatter Kvalsvik
oktober 2023

#tankerblirtilord #minedikt #etdiktomdagen