VENTETID

Første advent har passert
Vi er i ventemodus,
trur vi
Vi gjer alt anna enn å site på gjerdet å vente
Vi stressar
Alt som skal gjerast,
alt som skal bakast,
vaskast,
handlast
og hengast fram
Ventetid
Hastetid
Tida spring frå oss
eller meir det at vi spring frå tida?
Dagane og tida kjem oss i møte,
kvar dag
Denne adventstida er ei god tid
Den er ei mørketid der vi set ut lys
og brenner meir lys inne
Og vi favnar om det gode
Senk skuldrane
Ta deg tid til å nyte denne ventetida

Vente –
håpe –
glede
Sjå på alle lysa som er tent rundt om
Gi gode tankar,
gi ei hjelpande hand
Ikkje alle er like velsigna med glede i sine heimar
Ikkje hast forbi,
men sjå deg rundt
Lys i kvart eit vindauge,
i vente og håp mot det som kjem oss i møte
Ventetid mot framtida
Ikkje hast mot den,
den kjem allikevel
Ventetid,
adventstid
og håpets tid

mettekvalsvik
desember 2014

delt første gang 30. november 2015

#tankerblirtilord #etdiktomdagen #minedikt #repostminedikt