Annonsørinnhold

Ville Hoka-tilbud til dame og herre

Om eg mistar deg, kva skal eg gjere då, mamma
Då er du ikkje der for å svare lengre, når eg spør
Eg som trudde foreldre var for alltid
Ja det er dei, på ein måte
Men at dei ikkje forlot oss nokon gong, om du forstår
Det var ein tanke, sjølv om eg veit betre enn som så…
Ønsketenkning, ikkje naiv
Heller det at akkurat DU overlever alt liksom
Supermamma
Du som er mamma mi
Du overlever det meste
Men ingen overlever
Akkurat det tenkjer vi ikkje på no
Mamma, du skal være her, i heile verda
Du har klart så mykje, også dette klarar du
Av og til er det fysiske til stades,
mens det indre har gøymt seg litt bort,
og andre tider motsatt
Ytre og indre styrke
Inne i eit tomrom eller mørke eller bak ei låst dør
Hugsar du
Og det gjer du, hugsar,
men kreftene strekker ikkje til lenger,
slik som før
Og eg tenkjer; om eg mistar deg, kva skal eg gjere då?
Ingen overlever, det veit eg
Ikkje eg heller overlever, men det tenkjer vi ikkje på no
Det som betyr noko, er at du er her enno
Og at eg er her enno
Alle rundt oss, som vi er så glade i, er her enno,
og det som er sikkert, er at vi ikkje veit noko om tida
Dagen i morgon er ein ny dag
I dag er i dag,
supermamma

Mette Josteinsdatter Kvalsvik

#tankerblirtilord #etdiktomdagen #minedikt