Annonsørinnhold

Vårens kuleste sneakers til henne

Kjenner du angsten
Veit du kven det er
Har den banka på døra di
Åpna du i så tilfelle opp
Lot den kome innafor og slå leir
Eller sa du nei-takk ved døra
Klarte du det
Då er du god

Har du fyrst åpna døra,
gjer den mykje motstand for å ikkje halde seg innafor
Det ser ut til at den utfordrar deg, tenkjer du kanskje
Og den utfordringa skal du ta
Ikkje på strak arm, men krokbøygd som den er
Du ser det ikkje
Kanskje
Når angsten herjar innom døra
Den er ikkje synleg
Berre om du viser fram den ubudne gjesten

Ingen vil ha besøk eller åpne døra til angsten
Det er vel berre det at den tek sin plass
Og du må høflig be den gå
Det fylgjer skam med den, angsten
Den er slik ein ekkel gjest som limar seg fast
Og det gjer vondt, skikkelig vondt
Innsida riv og slit, dalar og dalar
mot mørket
Kroppen ristar, men på utsida er fasada støypt

Som på eit sirkus fyk den ubudne gjesten rundt
Høgt og lavt, rundt og rundt til du nesten kastar opp
Tek deg med i ei berg og dalbane du aldri har vore med på før
Og som får deg til å tru at du fell av i kvar einaste sving
Musikken døyver skrika dine
Klovnen skjuler redsla og tårene

Faller faller faller
Mørkets ganger
Lukk døra!
Få ut den ubudne gjesten!
Døra går igjen med eit smell

Mette Josteinsdatter Kvalsvik
november 2023

#tankerblirtilord #minedikt #etdiktomdagen