Tankespinn………
Eg har vatna ALLE planter og blomster
– pluss juletreet.
Ein siste gong ut å fylle vatn, frå krana på kjøkenet, då det slår meg; så lettvint.
Berre å dytte opp krana og vatnet kjem automatisk.
Eg er jammen heldig.
Både eg og du.
For vi har innlagt vatn, og for det meste er det ikkje problemer med vatnet.
Vårt vassverk i bygda skal overtakast av kommuna, og vi må skyte inn ein andel – og det som på julafta syntes uoverkomeleg vart i dag overkomeleg.
Eg betalar det eg må for å få vatnet – reint vatn – inn i huset kvar dag.
Det er ikkje alle som har den muligheita – å få vatnet inn i nesten kvart eit rom. Fylle opp i badekaret eller dusje så lenge du vil, gi alle planter og blomster både ute og inne vatn, når dei treng det.
Luksus!
Det vi er vant til.
Eg veit ikkje korleis det hadde vorte om det ein dag vart slik at vi IKKJE fekk vatn inn i huset.
At vi måtte til å frakte vatn fleire kilometer – drikkevatn – vatn som skal brukast til alt.
Toalett, klesvask, matlaging, drikke, reinslegheit……..
Om det hadde vorte slik igjen…… då veit eg ikkje korleis vi hadde klart oss.
Vi og den bortskjemte generasjonen under oss.
Kanskje hadde det ikkje vore noko problem?
Men eg trur faktisk det hadde vorte katastrofe.
Ein slik liten bevegelse som å dra opp vannkrana og fylle ein liter vatn frå kjøkenet får tankane til å spinne.
På alle dei som IKKJE har denne luksusen eg og du har.
Eg er takksam for at eg bur der eg bur – i det gode landet, Norge.
Men skulle ønske at vatn var for alle.
Denne viktige kjelda til alt.
#vatnforalle #kjelda #tankespinn #luksus #vatn #innlagtvatn #katastrofe
